Posted in Ամանորյա պարտեզ

Ամանորյա հեքիաթում

Posted on by emmaterteryan

Ահա և մի հեքիաթ դարձավ իրականություն։ Այսօր տոն էր քոլեջի 2-4 տարեկանների խմբում` իրենց, այդքան երկար սպասված, ամանորյա ծեսը։ Ծեսը հագեցած էր, լի` անակնկալ պահերով։ Շարունակել կարդալ “Ամանորյա հեքիաթում” →

Posted in Նախագծեր

Մարզական ստուգատես

Posted on by emmaterteryan

Մարզական ստուգատես 2025

2-5տարեկանների «Մարմնամարզական, ինքնագլոր, հեծանիվ, » ստուգատես․

Մասնակիցներ՝ Քոլեջի 2-5տարեկաններ
Սկիզբը՝ 11:00
Վայրը՝ դպրոց-պարտեզների մարզասրահներ, ընտանեկան մարզական պարտեզներում…
Ժամանակահատվածը՝ հունվարի 7-31

Նպատակը՝

Սաների, դաստիարակների, ծնողական համայնքի, անհատական և խմբային մարզական նախագծերի, մրցաշարերի ստուգատես է, որի  նպատակն է խրախուսել սաների ֆիզիկական ակտիվությունը, առողջ ապրելակերպը և զարգացնել մարզական հմտությունները՝ միաժամանակ ներկայացնելով կրթահամալիրի մանկավարժության մարմնամարզության կազմակերպման լավագույն փորձը։

Ուղղությունները՝

  • Մարմնամարզական խաղեր- 2-5 տարեկանների համար
    Նախակրթարանում սաները կցուցադրեն իրենց մարմնամարզական հմտությունները՝ վարժությունների, էստաֆետների և խմբային խաղերի միջոցով:
  • Մարզական ակումբների բաց պարապմունքներ-Մարզական ակումբները կանցկացնեն բաց պարապմունքներ, որտեղ կմասնակցեն նաև ծնողները:
  • Էստաֆետային խաղեր-Խմբային մրցաշարեր և խաղեր՝ սաների, դաստիարակների և ծնողների մասնակցությամբ:
  • Ինքնագլորներով շքերթ-Ինքնագլորների շքերթ դպրոց-պարտեզի տարածքում, որտեղ սաները, դաստիարակները և ծնողները կցուցադրեն ինքնագլորի վարելու իրենց հմտությունները:
  • Մարզառոդարիական մարզախաղեր-Խմբային մարզառոդարիական  մրցախաղեր, որտեղ թիմերը կմրցեն տարբեր մարզաձևերում:
  • Մարզական ընտանիք-Ծնողների և երեխաների համատեղ մրցույթներ և խաղեր՝ ընտանիքում:
  • Ծնող-երեխա վարպետության պարապմունքներ-Կազմակերպել  վարպետության դասեր, որտեղ դաստիարակներն, սաներն ու ծնողները միասին կսովորեն նոր մարզական վարժություններ և խաղեր:

Անհրաժեշտ մարզագույք՝

  • Ինքնագլորներ (մեծ և փոքր)
  • Հեծանիվներ
  • Կանգնակներ
  • Գնդակներ
  • Օղակներ
  • Ցատկապարաններ
  • Ռեզիններ
  • Այլ

Արդյունքները կամփոփվեն դաստիարակների և լաբորատորիայի բլոգում:

Ծրագիրը՝ «Մարզական ստուգատես»-ի շրջանակներում նախատեսում ենք իրականացնել հետևյալ մարզառոդարիական, էստաֆետային խաղերը՝

  1. Սովորում ենք ճանածարհային երթևեկության կանոնները՝ խմբասենյակը վերափոխվում է բանուկ փողոցի, որտեղ երթևեկում են ինքնագլորներով վարորդները՝ հետևելով ինքնաշեն լուսացույցի գույներին՝ կարմիրին կանգնում ենք՝ զիջելով հետիոտներին(մի խումբ սաներ)- 10․01, ժամը 11։00-12։00
  2. Սաները բաժանվում են երկու խմբի, որոշակի հեռավորության վրա դրված են համապատասխանաբար երկու տրաֆարետ, սաները ինքնագլորով անցնում են ճանապարհը, շրջանցում տրաֆարետը, վերադառնում իրենց թիմի մոտ և փոխանցում ինքնագլորն ընկերոջը- 07.01, ժամը 11:00-12:00
  3. Սաները դաստիարակների հետ միասին բաժանվում են երկու խմբի և կանգնում դեմ դիմաց։ Խաղը սկսում է դաստիարակներից մեկը, ավարտում՝ մյուսը։ Մի կողմից ինքնագլորով հասնում ենք շարքի վերջ, փոխանցում այն ընկերոջը և կանգնում նրա տեղը, այդպես մինչև բոլորը փոխվեն տեղերով-08.01, ժամը 11:00-12:00
  4. Կրկին բաժանվում ենք թիմերի, յուրաքանչյուր թիմ պետք է հաղթահարի որոշակի ճանապարհ և հասնի վերջնակետին՝ վարելով ինքնագլոր, ցատկելով ռետինե ձիուկներով,պարկերով թռչկոտելով,մեծ ցատկագնդակներով ետ վերադառնա-09.01, ժամը 11:00-12:00
  5. Առավոտյան մարզական նախավարժանքներ- ժամը 9:30-10:00
  6. Կկազմակերպենք ծնող-երեխա վարպետության դաս, որի ընթացքում դաստիարակները, սաներն ու ծնողները միասին առավոտյան նախավարժանքներ կիրականացնեն, կսովորենք նոր վարժություններ և խաղեր: Մասնակից ծնողներ` Այվազյան Տաթևիկ(13.01, ժամը 11:00)

Ամփոփումը տես` այստեղ։

Posted in Նախագծեր

Ազգագրության փառատոն

Posted on by emmaterteryan

«Ազգագրական փառատոն» ստուգատես

Մասնակիցներ՝  Քոլեջի 2-4 տարեկաններ
Սկիզբը՝ 11:00
Վայրը՝ դպրոց-պարտեզների մարզասրահներ, ընտանեկան մարզական պարտեզներում…
Ժամանակահատվածը՝ հունվարի 7-31

Նպատակը

Սաների, դաստիարակների և ծնողական համայնքի, անհատական, խմբային և համագործակցային նախագծերի ստուգատես է, որի նպատակն է.

  • Ներկայացնել և յուրացնել ազգային մշակույթը,
  • Տարածել հեղինակային մանկավարժական փորձը,
  • Զարգացնել սաների հետաքրքրությունն ու ներգրավվածությունը ազգային արժեքների հանդեպ:

Ուղղությունները՝

  • ազգային տոներ, ծեսեր
  • ազգային երգ, պար
  • ազգային խաղեր
  • ազգային խոհանոց
  • ազգային նախշերի ծանոթացում, գորգագործություն
  • տարածաշրջանային բարբառներ (ռադիոներ. ընտանեկան պարտեզ
  • ընթերցողական անկյուններում հեքիաթների ընթերցում
  • տարածաշրջան, գյուղ, քաղաք, փողոց, բակ և այլն (ընտանեկան պարտեզ)
  • բարեմաղթանքներ, օրհնանքեր, հանելուկներ, անեկդոտ, առածներ, ասացվածքներ,  հեքիաթներ (ռադիոներ, թատրոն. ծնողական ակումբ)

Արվեստանոցներ սաների և ծնողների համար

  • Բաց արվեստանոցներ, որտեղ կարող են պատրաստել ազգային ատրիբուտներ, օրինակ՝ գորգի փոքրիկ կտորներ, կավե զարդեր կամ ավանդական թելերից կրծքազարդեր։

Ազգային խաղերի 

  • Ծնողների և սաների մասնակցությամբ թիմային ազգային խաղեր:

Ընթերցանության անկյուններ

  • Ստեղծել փոքրիկ բեմ, որտեղ սաներն ու ծնողները կբեմադրեն ազգային հեքիաթներ:
  • Հեքիաթները կարող են ուղեկցվել երաժշտական ներկայացումներով:

Ընտանեկան մրցույթներ

  • «Ազգային խոհանոցը մեր ընտանիքում» խորագրով՝ ընտանիքները պատրաստեն իրենց ընտանեկան ավանդական ուտեստները:

Ամփոփումը՝ Արդյունքները կամփոփվեն դաստիարակների և լաբորատորիայի բլոգներում։

Նախագծի ընթացքում կստեղծենք ազգային հեքիաթների կերպարներով  տիկնիկային թատրոն, կներկայացնենք տիկնիկային թատրոնը։

Ազգային խաղերի, խոհանոցի միջոցով էլ կծանոթանանք, կյուրացնենք, կփոխանցենք մեր ազգայինը։

Արդյունքում կունենանք ազգային հեքիաթների հերոսների կերպարների հավաքածու , որը կունենա իր ուրույն տեղը սանի առօրյայում, կծանոթանանք մեր ազգային խաղերին։

Ամփոփումը տե՛ս, այստեղ։

Posted in Աշխատանքային նախագծեր

Հունվար ամսվա աշխատանքային գործունեություններ, նախագծեր, սեմինարներ

Posted on by emmaterteryan

Նախակրթարանի օրացույց 

Ձմեռային պարտեզ` հունվար

Ամանորը ընտանիքում

Սաների ընդունելությունը կազմակերպվում է 08.45-09.30։ Դաստիարակներից մեկը 8:45 լինում է խմբասենյակում, օդափոխում խմբասենյակը:  Բուժքույրը ջերմաչափում և տվյալները լրացնում ջերմաչափման էլ.մատյանում:   Երեխայի բացակայության կամ ուշացման, ինչպես նաև դրանց պատճառների մասին ծնողը դաստիարակներին տեղյակ է պահում մինչև 09։30: Հենց տնից-նախակրթարան ճանապարհից էլ սկսում է նրանց ուսումնական գործունեությունը:  Սաներն ինքնուրույն են զգեստափոխվում: Դասավորում են աթոռները, մաքրում փոշիները, խնամում են բույսերը, ջրում և փխրեցնում են հողը: Բակում հավաքում են թափթփված աղբը։

  • 9:30-10:00-Ռոդարիական ուրախ մարմնամարզությանը միանում են կոմիտասյան երգն ու պարը: Դաստիարակը սանի հետ պետք է մագլցի, վազի, թռչի բարձրությունից, չոչ անի, գլուխկոնծի տա և այլն՝ խենթություներով լինելով անմիջական մասնակիցը կրթության, լինելով սաներից մեկը, ոգևորելով, երևակայելով…:
    Սաները հաճախ իրենք են շարժումները որոշում: Երբեմն մարմնամարզության ընթացքում կենդանիներ են դառնում, շարժումային տարբեր փոքրիկ ներկայացումներ են ստացվում, երբեմն ամբողջ վարժանքը պարի է վերածվում: Խաղաստեղծ միջավայր կարող է լինել նաև մեր մարմինը: Երբ նրան ավելացնենք «լույս + ստվեր= ստվերախաղ բաղադրատոմսը կստացվի իմացումի հերթական, իսկական հրճվանք: Ինչքան ուզում ես թափահարի՛ր ոտքերդ, ձեռքերդ, մարմինդ, մազերդ, ստվերային ներկայացումներ խաղա՛, իրական ազատությունը զգա՛…։
  • 10:00 — 10:30—Նախաճաշ
  • 11:00-12:00— Աշնանային պարտեզ` ամենօրյա զբոսանք մաքուր օդում 30 րոպե, օրվա գործունեություն, աշնանային լողափ
  • 12:30—Ճաշ
  • 13:30- 15:00 Քուն (Աստղափայլ օրորներ): Քնից առաջ սաները դուրս են գալիս       կարճ զբոսանքի: Զբոսանքի           ընթացքում  նրանք շնչում են մաքուր օդ, նայում են շրջապատի բնությանը, և հանգստանում։
  • 15:30- Հետճաշիկ:
  • 16:00- Զբոսանք մաքուր օդում, ազատ գործունեություն, տուն ճանապարհում

Բնագիտական գործունեություն՝ ուսումնասիրում ենք բանջարեղենները՝ տեսքը, համը, կորիզները, տերևները, սերմ ենք ցանում, խնամում ենք մեր թաղարները, կատարում հետաքրքիր բնագիտական փորձեր`

Տեխնոլոգիա, նկարչություն

  • Կծեփենք դդումներ
  • Ազգային կերպարների ստեղծում
  • Ինքնաշեն խաղեր

Խոհանոցային գործունեություն

  • Կպատրաստենք ազգային ծիսական Խոհանոցից` ղափամա
  • Թխվածքաբլիթներ

Օրացույց 2024-2025

Հունվարի 7-10` երաժշտական պարապմունք, մարզական ստուգատեսերի շրջանակներում շաբաթը կլինի մարզական, ռիթմիկ խաղերով

Հունվարի 13-17` եջաժշտական պարապմունքներ, «Ազգագրական փառատոն»-ի շրջանակներում կստեղծենք ազգային հեքիաթների կերպարներ և կներկայացնենք թատրոն։

Հունվարի 20-30` երաժշտական պարապմունքներ, «Բնագիտատեխնիկական ստուգատես»-ի շրջանակներում կկատարենք բնագիտական փորձեր, կպատրաստենք ինքնաշեն խաղեր

Դաստիարակների մասնագիտական զարգացման սեմինար

  • Հունվարի-ի պարապմունքներ.  պարուսուցում (Լաերտ Գրիգորյան)։
  • Հունվարի -ի պարապմունքներ. երաժշտություն և ռիթմիկա. (Հասմիկ Մաթևոսյան)։