Մայիսյան ստեղծարար հավայքի շրջանակներում համագործակցում ենք դաստիարակների «Նռանե» համույթի և Լաերտ Գրիգորյանի հետ։ Ըստ նախագծի քոլեջի նախակրթարանի սաներին ծանոթացրեցինք «Կռնկավե» խաղ-պարի հետ։
Նախկինում այս պարը հաճախ կատարվել է բերքահավաքի տոնակատարությունների, հարսանիքների և այլ ուրախալի միջոցառումների ժամանակ: Ըստ մի վարկածի այս խաղ պարը նմանակում է մայր կռունկին, ով ցանկացած վտանգի դեպքում իր թևերի հովանու տակ է առնում իր ձագուկների։ Ըստ մեկ այլ վարկածի «Կռնկավե»-ն հայկական հնագույն պարերից է, որը կապված է գինեգործության և խաղողագործության հետ: Այն իր անունը ստացել է պարողների կռնկելու շարժումներից, որոնք խորհրդանշում են խաղողի ճյուղերի ծանրությունից կռանալը կամ խաղողահավաքի աշխատանքը:
Ձեզ ենք ներկայացնում քոլեջի սաների առաջին փորձը`
Կռնկավեն այնքան սիրվեց մեր բոլորի կողմից, որ մեզ միացան նաև մեր մայրիկները։
Էմմա Տերտերյանի բլոգ 